पालघर, दि. 22 : डहाणू एकात्मिक आदिवासी विकास प्रकल्पाच्या अधिनस्त वसई, पालघर, डहाणू व तलासरी तालुक्यातील प्रकल्प कार्यालयात नोंदणीकृत असलेल्या अनुसूचित जमातीच्या सुशिक्षित बेरोजगार युवक-युवतींसाठी येत्या शुक्रवारी (दि.26) सकाळी 10 ते 6 वाजेदरम्यान डहाणू नगरपरिषदेच्या अदानी गेट येथील बी.एस.ई.एस. हॉलमध्ये स्पर्धापरिक्षा, रोजगार व स्वयंरोजगार मार्गदर्शन महामेळाव्याचे आयोजन करण्यात आले आहे.
डहाणू प्रकल्प कार्यालय येथे सेवायोजन विभागात नोंदणीकृत असलेल्या अनसूचित जमातीच्या 10 वी पास/नापास, 12 वी पास/ नापास, डिप्लोमा, आयटीआय, बीएड, डीएड, कृषि पदवी/पदविकाधारक, कौशल्य विकास, बॅकिंग क्षेत्रात नोकरी तसेच स्वयंरोजगार करण्यास इच्छूक उमेदवारांना या महामेळाव्यात मार्गदर्शन करण्यात येणार आहे. या महामेळाव्यासाठी डहाणूचे प्रकल्प अधिकारी, कामगार कल्याण विभाग, जिल्हा कौशल्य विकास अधिकारी, आयटीआय, एलआयसी, केव्हीके आदी विभागाचे तज्ज्ञ तसेच विविध कंपन्याचे प्रतिनिधी उपस्थित राहून मार्गदर्शन करणार आहेत. तरी या रोजगार व स्वयंरोजगार मार्गदर्शन महामेळाव्यास नोंदणीकृत अनुसूचित जमातीच्या युवक-युवतींनी आवर्जून उपस्थित रहावे, असे आवाहन डहाणूच्या प्रकल्प अधिकारी आशिमा मित्तल यांनी केले आहे. युवक-युवतींनी मार्गदर्शन महामेळाव्यास येताना मास्क वापरणे बंधनकारक आहे. तसेच आपला बायोडाटा आणि शैक्षणिक कागदपत्रांच्या छायांकित प्रती सोबत घेऊन याव्यात, अशी माहिती मित्तल यांनी दिली.
- तुम्ही Youtube वर News Channel किंवा News Portal चालवता का? मग तुमच्यासाठी अतिशय महत्वाची बातमी आहे!
- केळवे समुद्रात चार मुलांचा बुडून मृत्यू!
- मुजोर विराज उद्योजका विरोधात कामगार आक्रमक
- घिवलीच्या पुनर्वसनाची मागणी
- महिलेला दोन लाखाचे सोन्याचे दागिने रेल्वे पोलिसांनी केले परत
