प्रतिनिधी/वाडा, दि. 5 : वाडा नगर पंचायतीच्या विषय समित्यांच्या काल, शनिवारी झालेल्या निवडणुकीत चारही समित्यांवर शिवसेनेच्या उमेदवारांची बिनविरोध निवड झाली. या निवडणुकीनंतर शिवसैनिकांनी जल्लोष केला.
वाडा नगरपंचायतीवर शिवसेनेची सत्ता असून नगरपंचायतीच्या विषय समित्यांकरिता आज निवडणूक झाली. शिवसेनेकडून नियोजन समितीकरिता नयना चौधरी, बांधकाम समितीकरिता वर्षा गोळे, पाणीपुरवठा समितीकरिता उर्मिला पाटील, महिला व बालकल्याण समितीकरिता जागृती काळण यांचे उमेदवारी अर्ज दाखल करण्यात करण्यात आले. विरोधी पक्षांकडून एकही अर्ज दाखल न झाल्याने या चारही समित्यांवर शिवसेनेचे उमेदवार बिनविरोध निवडून आले.
वाडा नगरपंचायतीमध्ये एकूण 17 सदस्यांपैकी शिवसेना 6, भाजप 6, काँग्रेस 2, राष्ट्रवादी काँग्रेस 1, बहुजन विकास आघाडी 1, रिपाइं 1 असे पक्षीय बलाबल असून शिवसेनेने भाजप वगळून अन्य पक्षांशी आघाडी केलेली आहे.
- तुम्ही Youtube वर News Channel किंवा News Portal चालवता का? मग तुमच्यासाठी अतिशय महत्वाची बातमी आहे!
- केळवे समुद्रात चार मुलांचा बुडून मृत्यू!
- मुजोर विराज उद्योजका विरोधात कामगार आक्रमक
- घिवलीच्या पुनर्वसनाची मागणी
- महिलेला दोन लाखाचे सोन्याचे दागिने रेल्वे पोलिसांनी केले परत
