दि. 3 जून: डहाणू पोलीसांनी एका गुन्ह्यात अटक केलेल्या 2 आरोपींचे तपासणी अहवाल कोरोना पॉझिटीव्ह आल्यानंतर एकच खळबळ उडाली होती. त्यामुळे संबंधीत आरोपींच्या संपर्कात आलेल्या 17 पोलीसांच्या घशाचे नमुने तपासणीसाठी घेण्यात आले. अशा सर्व पोलीसांना क्वारन्टाईन करणे आवश्यक होते. मात्र पोलीस प्रशासनाने कुठलीही खबरदारी घेतली नसल्याचा धक्कादायक प्रकार समोर आला आहे. नमुने घेतलेल्या काही पोलीसांना तर चक्क ड्यूटीवर ठेवण्यात आले. दरम्यान, पॉझिटीव्ह अहवाल आलेल्या पोलीसांशी दैनंदिन संपर्कात आलेल्या पोलीसांच्या आरोग्याचा देखील प्रश्न निर्माण झालेला आहे. 17 पैकी 6 जणांचे अहवाल पॉझिटीव्ह आल्यानंतर, आता सर्वच पोलीसांची तपासणी करुन घ्यावी अशी मागणी होत आहे.
पॉझिटीव्ह पोलीसाचे कुटूंब क्वारन्टाईनच्या भीतीने अज्ञातस्थळी रवाना: कोरोना वॉरिअर्सच्या भूमिकेतील पोलीसांचे मनोधैर्य वाढविण्यात प्रशासनाला अपयश आलेले आहे. डहाणू पोलीसांपैकी एका पोलीसाचा अहवाल पॉझिटीव्ह आल्यानंतर त्याचे कुटूंबीय घरातून अज्ञातस्थळी गेले असून त्यांचा शोध घेतला जात आहे.
जनजागृती ऐवजी भय पसरविण्यात प्रशासन यशस्वी: कोरोना विषयक जनजागृती करण्यात जिल्हा प्रशासनाला पूर्णपणे अपयश आले आहे. जबाबदारीच्या जाणीवेपेक्षा मोठ्या प्रमाणात भय पसरलेले दिसते आहे. चक्रीवादळाच्या संकटकाळातही कोरोनाच्या संसर्गाच्या भीतीने डहाणूतील काही लोकांनी निवारागृहात जाण्यास नकार दिला आहे.
क्वारन्टाईन सेंटर विषयी लोकांमध्ये भय:
क्वारन्टाईन सेंटर विषयी आणी तेथील सेवा सुविधांविषयी लोकांमध्ये भय निर्माण झाले आहे. क्वारन्टाईन सेंटरमधील सुविधांबाबत आनंदी आनंदच आहे. जेवणाचा ठिकाणा नाही. ज्याला परवडेल तो बाहेरून जेवण व पाणी मागवेल. दुकानदारांना दर 2 तासांनी परिसर निर्जंतुकीकरण करण्याच्या पोकळ सूचना देणारे जिल्हा प्रशासन क्वारन्टाईन सेंटरमध्ये कितीवेळा निर्जंतुकीकरण करते, हा अभ्यासाचा विषय आहे. निदान तेथील कचरा किती वेळा उचलला जातो, हा देखील प्रश्न आहे. त्यामुळे क्वारन्टाईन सेंटर बाबत लोकांच्या मनात भय पसरल्याचे दिसत आहे.
- कोरोना संसर्ग थोपविण्यासाठी राज्यात उद्यापासुन कडक निर्बंध!
- पालघर जिल्ह्यात 5 एप्रिलपासुन पुन्हा निर्बंध; शाळा, महाविद्यालये, खाजगी क्लासेस तसेच सामाजिक, राजकीय, धार्मिक कार्यक्रम पुर्णपणे बंद!
- जिल्हा परिषद व पंचायत समितीच्या पोट निवडणूका होणार किंवा नाही? राज्य सरकारकडून सर्वोच्च न्यायालयात पुनर्विचार याचिका दाखल!
- पालघर जिल्हा परिषदेच्या 15 सदस्यांची व 14 पंचायत समिती सदस्यांची निवड रद्द
- नागझरीला किती उध्वस्त करणार? महसूल ” अधिकारी ” म्हणजे ” विनोद “
- बोईसर: ओस्तवाल बिल्डर्सचा F.S.I. घोटाळा; भ्रष्ट्राचाराने उभे रहात आहेत मजले
- धक्कादायक : विराज कंपनीमध्ये कामगाराचा सडलेल्या अवस्थेत मृतदेह आढळला!
- तारापूर औद्योगिक वसाहतीमध्ये अपघाती मृत्यू कसे पचवले जातात?
- डहाणू शहर: एका दिवसांत 3 कोरोना मृत्यू – मृतांची संख्या 6! 4 ऑगस्ट पासून 10 दिवसांचे कडक लॉक डाऊन
- साधू हत्याकांड: सीआयडीने तपास पूर्ण करुन न्यायालयासमोर आरोपपत्र दाखल केले!
- डहाणू नगरपरिषद: रस्ता न करता 45 लाख हडप केले
- पालघर एस. पी. दत्तात्रय शिंदे In Action! दरोडेखोरांची आंतरराज्य टोळी पकडली!
